Uwezeshaji wa kiuchumi na Maendeleo ya Sekta Binafsi  ni juhudi za makusudi zinazoanzishwa na Serikali ili kuwasaidia wananchi wake waweze kushiriki vizuri katika shughuli za kiuchumi. Uwezeshaji unaweza kufanyika kwa kupitia Sera sahihi, Sheria sahihi, kukuza ujuzi wa wananchi, upatikanaji wa mitaji nafuu, taarifa sahihi za masoko na programu mahsusi ambazo zinazompa fursa mwananchi ya kushiriki vizuri kwenye uchumi. Watanzania wengi sana wanahitaji kupata taarifa, elimu, ujuzi na mitaji ili kuweza kusonga mbele kwenye juhudi zao za kuendeleza shughuli zao za kiuchumi. Sekta hii inasimamiwa na Idara ya Uwezeshaji Kiuchumi na Maendeleo ya Sekta Binafsi.